Dietistentzat ikerketa aukera Gasteizen

EHUko, LEIAko eta Txagorritxu ospitaleko ikerlarien zuzendaritzapean Farmazia Fakultateko GED ikasle ohiak ikerlari lanetan dihardute. Elikagai funtzionalak argaltze dieten lagungarri izan daitezkeen edo ez argitzen besteak beste. Ikerketa zuzentzen duten zentruak edo eta ikerketa bera ere maila handiikoa izateaz gain, albistearen erakargarriena da dietista-nutrizionistarenprofesioaren sendotzearen ereduetako bat dela. Eta ez langile soil gisa, ikerketa-laguntzaile gisa baizik. Graduaren eta masterren ezarpenarekin bestalde, tesi doktorala eta beraz ikerketa egiteko aukera errealitate bat izango da. Bolada onak datoz antza, gure profesioarentzat.

Iturria:

http://www.elcorreodigital.com/vizcaya/20081012/alava/vitoria-convierte-gran-laboratorio-20081012.html

http://www.elcorreodigital.com/vizcaya/20081012/alava/llevo-toda-vida-dieta-20081012.html

BIBLIOGRAFIA BERRIA

Nutrizionistentzat, bai laneana daudenentzat edo eta ikasleak direnentzat kontsulta liburu bat argitaratu berri da: "Bases de la Alimentación Humana". Nola jakin dudan...? Txoritxo batek esanda ... kasualitatez... Beste edozein kontsulta libururen aurrean dituen berezitasunak asko dira. Hasteko, UPV/EHUn Giza Nutrizioa eta Dietetika diplomaturan irakasle edo eta elikagaien edo nutrizioaren munduan ikerlariak direla liburuaren egileak (28 guztira). Gainera, egileen artean nutrizionista asko daude. Hau honela, jorraturiko gaien gaurkotasuna, sakontasuna eta zuzentasuna argia da. Bestalde, antzerako osakera eta helburua (kontsulta, eguneratzea) duten beste argitarapen gehienak luzeera handia izatean, handiegiak dira eta beraz erabilgarritasun mugatua dute. "Bases de la Alimentación Humana" 561 orrialderekin liburu osoa izateaz gain, guztiz erabilgarria eta eramangarria da. Lana hiru atal nagusitan antolaturik dago:

- lehen atala eliakaien ingurukoa da. Hauen egitura, osakera eta beste ikuspegi garrantzitsuak jorratzen dira.


- Bigarren atalaren gaia nutrizioa da. Giza gorputzak elikagaietako gaiak nola erabiltzen dituen (metabolismoa) azaltzen da. Nerbio sistemak gosearen eta energia-orekaren gainean duen kontroilari buruz ere hitzegiten da atal honetan.


- Hirugarren eta azken atala dietetikari dagokio. Elikagaien eta nutrizioaren ezagutzak gizakion hainbat egoeratarako dietak egiteko artean erabiltzeko jarraibideak ematen dira.


Egileetako bat izateak suposatzen duen gaitzikortasuna alde batera utzita, Elikagaien Zientzietako eta bereziki Nutrizionistentzako kontsulta liburu bikain baten dela argi daukat.

Ikastetxetik kuiak

Ikastetxetik kuiak ekartzeak irakasgaiak ez gainditzearen sinonimo titulua galdu lezake hemendik aurrera. Europear Batzordeak Erkidegoko ikastetxeetan fruta eta barazkien banaketa kofinanziatzeko 90 milioi euro jarriko ditu. Diru faltagatik halako programen gabezia duten herrialdeak izango dute lehentasuna eta programen kostuaren %50-75 ordainduko da Bruselatik. Elikadura-ohituren finkapena gertatzen den adinetan ohitura osasungarrien indartzea da helburua. Gertakari positiboa den arren, guztiak bezala puntuala da. Ikasleei burua erabiltzen erakusten dieten bezain ondo jarduera fisikoa (gogoratu dezagun geroz eta ordu gutxiago eskaintzen zaizkiela) eta elikadura irakatsiko baliete, askoz hobe.

Iturria: www.jano.es

http://www.jano.es/jano/actualidad/ultimas/noticias/janoes/agencias/fruta/gratuita/colegios/combatir/obesidad/_f-11+iditem-3229+idtabla-1

Gehigarriak ikusmiran

Joan zen urtean Erresuma Batuko Southampton Unibertsitateko MacCann ikerlariaren taldeak elikadura-gehigarrien inguruko ikerketa polemiko bat argitaratu zuen The Lancet aldizakari ospetsuan. Laburbilduz, ikerketa honek koloratzaile eta kontserbatzaile batzuen nahasketak zituzten elikagaiak jateak umeetan hiperaktibotasuna eragin zezaketela ondorioztatzen zuen.
Apirilean Europako Elikagaien Segurtasun Agintaritzak (EFSA) MacCannen taldearen ikerketak zuen diseinuagatik argitaratu diren ondorioak argiegiak ez direla esan du. Dena den, ume sentikorrakk egon daitezkeelako EFSAko Elikadura-Gehigarrien, Lurrintzaileen, Laguntzaileen eta Elikagaiekin Kontaktuan dauden Materialeen Aditu Panelak (AFC) MacCannen ikerketan erabilitako gehigarrien berrikuste bat egiten ari dira. Bazpana be...

Ikertutako gehigarriak edari freskagarri askotan erabiltzen direnez, eta hauen kontsumoa oso hedatu egonik, izugarri interesgarriak dira aterako diren ondorioak.

Iturriak: The Lancet eta EFSA
http://www.thelancet.com/journals/lancet/article/PIIS0140673607613063/abstract
http://www.efsa.europa.eu/EFSA/efsa_locale-1178620753812_1178694645855.htm

Druida jauna....zer gertatzen zait?...

Halako zerbait esan beharko dutela iruditzen zait ... Osasuna landare jatorriko infusio, pozima eta prestakin anitzen eskutan usten duten pertsonei buruz ari naiz noski. Beharrak ikusita, ez dakit nola ez dagoen gure unibertsitateetan "Druidologia" lizentziatura... Agian Txamanismo Katedradunen gabezia izan liteke arazoa.

Dena den, lehenago edo beranduago gertatu behar zena gertatu da: guztiok ezagutzen ditugun landare dendatan saltzen diren produktu batzuek intoxikazioak eragin dituzte. Marka ezagun bateko produktuek estatuan 9 intoxikazio eragin dituzte eta Europako beste herrialde batzutan beste 15. Antza denez gibeleko arazoak eragin dituzte argaltzeko ziren landare jatorriko produktek. Honen aurrean, nola ez, zerbait egiten dela (noski, beti konpontzeko, inoiz ez aurreikuzteko -"paqué?"-) krisia zabaldu da Osasun Ministeritzatik eta oraingoz "arreta" eskatzen da "kasua argitzen den bitartean". Gainera, denbora gutxian tiroide hormonak zituzten eta postaz saltzen ziren beste enpresa bateko bi produktu aurkitu dituzte... jarrai dezatela mesedez.

Hori bai, populazioarentzako aholkuak ere egiten hasi dira ministeritzatik: "dieta orekatu batekin halako porduktuak ez dira beharrezkoak" eta horrelako sakontasuna daukaten gomendioak. Hori da eraginkortasuna hori. Norbaiti, hasteko halako produktuen merkaturatzeko baldintza zorrotzago eta gogorragoak beharko liratekela bururatuko zaio. Agian. Edo eta zuzenean, eraginkortasun frogatua duten produktuak kontrolpean (osasun profesionalen agindupean) ematera behartzea ere soluzio bat izan daitekeela. Agian. Baina bitartean, a bote pronto. Intoxikazioak egon artean ez da ezer egiten. Eta daudenean, lasai, ez da produktuak debekatzen edo eta legeak zorrozten hasteko moduko arazoa.

Gehiegizko kiloak kentzeko mirakuluentzako tokirik ez duen mundu hontan bedar eta pozimen salmenta negozio oso ona izanik, kontrol eskasa eta legean esparru zabala izanda ... zer espero daiteke..?

Tila bat hartzera nua...

http://www.msc.es/novedades/herbalife.htm

DEPURALINA

Hilabete batzuk direla hainbat komunikabideetan "hondakinak kanporatzeko" lagungarria gisa saltzen zen Depuralina izeneko produktua merkatutik kendu da.

Merkatura atera zenean iragarkietan argaltzeko (hondakinak kanporatzeko) lagungarria zela esaten zen. Hasiera baten gorputzeko gehiegizko gantza kanporatzeko baliogarria zela ere proposatzen zen eta kexa batzuen ondorioz soilik hondakinak kanporatzeko lagungarria dela esaten amaitu zen iragarkietan. Gehiegizko pisu arazoak dituen populazioaren gehiengoak halako produktuak frogatzen dituela jakinda eta baita arazo hoiei beste era baten egin behar zaiela aurre, hainbatetan egiten den izkutuko iruzur baten aurrean geundela jakitea ez zen zaila. Portugalen emandako intoxikazio batzuk agertu arte etaproduktua saltzen zuen enpresaren Osasun erregistro gabezia frogatu arte itxaron da neurriak hartzeko. Beti bezala aurreikusi ordez, gauzak gertatu eta gero kaltea konpontzen.

Elikadura desegokiak eragindako arazoak produktuekin bainao elikadura egokitzen konpondu behar direla ez onartzeak eta bestalde diru iturri bezain iruzur handia diren produktuengan kontrol eskasak mesede gutxi egiten du.

Honen aurrean administrazioaren partez kudeaketa egoki bat beharko litzateke, baina ez hori bakarrik. Dietetika eta nutrizioaren adituen aholkua eta lana beharrezkoa baino premiazko bihurtzen ari da gaurko gizartean, kaleko jendeak jazotzen duen informazioa eta hezkuntza gizarte osasuntsu bat lortzera bideratu beharrean, merkatu gizarte oparo bat lortzeko bideratua bait dago, enpresen oparotasunerako bide guztiak (iruzurra barne) zabalik egonik.

Pisu egokia lortzeko: dietista kontsultatu. Esperimentuak gaseosarekin eta mirakuluak Lurdesen.

Maiatzak 28: Nutrizioaren Egun Nazionala

Urtero Nutrizio, Elikadura eta Dietetika Elkarteen Espainiako Federazioak (FESNAD) martxan jartzen duen Nutrizioaren Egun Nazionala maiatzaren 28an ospatuko da. Aurtengo edizioan era egokian antolaturiko dieta osasuntsuak duen garrantzia eta dieta mirakulutsuen arriskua izango dira gai nagusiak. Ekintza honen alde interesgarriena parte hartzea zabalik dagoela da, hots, dietistek hitzaldiak, tailerrak edo proposatu ditzaketen jarduera desberdinekin parte hartu dezaketela Nutrizioaren Egun Nazionalean. FESNADen estekan daukazue informazio guztia: http://www.fesnad.org/

AEDN IV Kongresua Bilbon

Aurtengo urrian Bilbon ospatuko da dietista-nutrizionisten laugarren kongresu nazionala. Sektoreko profesionalentzat zein ikasleentzat elikagaien, elikaduraren eta dietetikaren inguruko azken berriak ezagutzeko elkargune hobezina. Informazio guztia hurrengo estekan: http://www.aedn2008.es/

NAOS II konbentzioaren emaitzak

Otsailean ospaturiko NAOS II konbentzioan elikadura eta bizitza ohitura osasungarrien inguruko gai interesgarriak jorratzeaz gain hauen inguruan egindako jardueratan aritutako nutrizioaren hainbat profesional saritu ziren. Jorratutako gai nagusiak ikastetxetako jantokietan edo eta lantokietan ematen den elikadura, elikagaien etiketan jartzen den informazioa eta obesitatearen datuak izan ziren. Ikastetxeetako menuei dagokienez, hauek umeen elikaduran duten garrantzia aipatzeaz gain, hauen diseinu orekatua egiteko baldintza minimoak ezartzen dituen protokolo orokor baten beharra adierazi zen. Bestalde, umeen eta hauen ingurukoen (familia, osasun langileak) hezkuntza nutrizional egokiaren beharra ikusi zen. Lantokiak langileen osasunean duen eraginari buruz ere hitzegin zen, enpresetan menu orekatu eta osasuntsuak eskeini edo eta jarduera fisikorako ekintzak eskeintzea duen garrantzia aipatuz.

Bilera honetan eman ziren hitzaldien laburpenak eta konbentzioaren ondorio orokorrak AESAN estekan aurkitu daitezke.

Iturria:http://www.aesan.msc.es/aesa/web/AESA.jsp

Jatetxeak obesitatearen aurka eta dieta orekatuaren alde

Accor Services, Dieta Mediterraneoren Aldeko Fundazioak eta AESAN-ek sinaturiko hitzarmenari ezker, estatuko 26000 jatetxe baino gehiagok menu orekatuak eskeini ahalko dituzte. Hitzarmenaren bitartez garaturiko Gustino Egitaraua garatu dute. Egitaraua onartzen duten jatetxeak irudiko bereizgarria izango dute eta aipaturiko erakundeek ezarritako dekalogo bat bete beharko dute. Dekalogo honen arabera bezeroek eskatu ditzaketen menu aukera osasuntsuak eskeini beharko dituzte. Zehatzago, Gustino egitarauaraen dekalogoa honakoa da:

1.-Lehen plateren artean gutxienez hirutik baten barazkiak edo egoskariak izango dira oinarri.

2.-Bigarren platerak hornitzeko barazkien eta egoskarien aukera eskeiniko da.

3.-Postre aukeren artean gutxienez hirutik bat fruta freskoa (osoa edo maneiatua, fruta-mazedonia adibidez), zuku naturalak edo fruitu lehorrak izango da.

4.-Bigarren plater gisa arraina eskatzeko aukera egongo da beti.

5.-Saltsa gehiegi behar ez duten sukalde prestaketak erabiliko dira, lurrunetan, plantxan edo eta parrillan bezalako prestaketak.

6.-Menu erdia eta postrea edo eta anoa erdiekin osaturiko menua eskatzeko aukera egongo da.

7.-Mahaian edateko ura eskeiniko da eta alkoholdun edariak kopaka edo anoaka eskatu ahalko dira.

8.-Entsaladak prestatzeko oliba olio birjina eskeiniko da.

9.-Ogi txuriaren aurrean osoko ogiaren aukera emango da.

10.-Ez da egongo gatzontzirik mahaian bezeroen eskura eta gatz gutxiko menuak eskatzeko aukera egongo da.

Argi dago, behar bezala garatzen bada egitarau hau, jatetxeetan menu osasungarriagoak aurkituko ditugula eta, bestalde, askotan kanpoan jatearen arriskuak arinduko.

Azkenik, sortzen den galdera honakoa da ¿nola kontrolatuko da menu hauen osasungarritasuna? ¿nork eratuko ditu? ... Dietista-nutrizionista bazara nork diseinatu beharko lituzkeen argi daukazu ... ¿ezta?

Iturria: http://www.aesan.msc.es/aesa/web/AESA.jsp