A ze parea, obesitatea eta gosea

Nazio Batuen Erakundeak (NBE) argitaratu berri duen dokumentu baten obesitateak goseak beste arazo eragiten dituela esaten du. Datuak ematen ditu eta argiak dira, obesitatea aurera doa lehen munduan eta gainera garapenean dauden herrialdeetako zenbait klase sozialetan ere agertzen hasia da. Baina, oker egon naitekeen arren, kontu hontan zenbaki hutsak begiratzea haserretu egiten nau. Azken finean, lehen munduan aukera daukagu, batzuk erretzen hiltzen dira beste batzuk gaizki jateagatik eta ohitura txarragatik baina jakinaren gainean. Hil daitezkenaren jakinaren gainean eta beste batzuk ezer jateko aukera ez dutela jakinda. Gure gehiegikeria beste batzuen miseriaren eragileetako bat dela jakinda.
Bestalde, dokumentuak daukan gauza ona administrazioa edo gobernuak eta enpresak jartzen dituela arduradun gisa. Hala ere nire ustez obesitatea, arazo bat izanda, ez lioke goseari protagonismoa kendu behar. Biak arazoak dira baina oso deberdinak, obeso bizi daiteke (asko eta ondo) baina desnutrituta ez (gutxi eta gaizki).

Barka diezadatela baina, munduko obeso guztien arazoaren aurrean gosez hiltzen den ume bakar batena askoz garrantzitsuagoa iruditzen zait eta NBEtik egindako alderaketa, bihozgabekeri galanta.

Iturria: http://sociedad.elpais.com/sociedad/2012/03/05/actualidad/1330971557_662268.html

Dukan ausarta

Hurrengo martxoaren 9an Nafarroako Unibertsitateko Zientzia Eraikuntzaren Ekintza Aretoan, goizeko 9etan Pierre Dukan jaunak bere metodoaren nondik norakoak aurkeztuko ditu. Honen ostean Juan Revenga nutrizionistaren eskutik argaltzeko dieta orekatuen oinarri zientifikoei buruzko hitzaldia eskeiniko da. Bapatean, sorpresaz, dietisten amesgaizto bihurtu den pertsonaia nutrizio arloan munduko unibertsitate famatuenetariko batera, dietisten aurrean hitzegitera ekarri digute. Pierre jauna bai (izena erabiliko dut -barka- abizena errespetatzeko, erabiltzearen poderioz, dagoeneko ustelduta egongo da eta. Bera eta ni). Pierre jauna in person. Dietisten informazio guneetan "face to face" bezala publizitatu da. Manuel Campo Vidalek aurkeztuko ez duen arren, interes goreneko jarduera izango denaren dudarik ez dago. Jende askorentzat, ez bakarrik dietistontzat. Eritzi publikoaren ikuspuntutik halako "duelo" bat guztiz erakargarria da, bi aldeetan dauzkagun jarraitzaile kopurua kontuan izanda. Interesatuekin jarraituz, ezin ditugu metodoarekin urrezko egiten ari direnak ahaztu, ministeritzak eta dietistak arrazoia dutela ez duelako populazioak oraindik onartu, eta metodoaren alienatu amorratuak eta salmenten irabaziak ez dira "plateau"ra iritsi. Olo-zahiaren erregearen indartze bat dirua egiteko motorra "turboan" jarriko luke. Informaziorik ez daukadan arren, suposatu dezaket prentsa bertan egongo dela, eta gertatzen dena guztion begietara iritsiko da.

Aukera bat da beraz, biontzat. Pierre jauna ezagutzaren jauregira hurbildu da, etsai zientifikoz inguratzera. Han egongo garen dietistok argudio zientifiko sendoenak erabilita gure iritzia defendatzeko aukera izango dugu, gaitz honen arduradunaren aurrean. Ez dago esan beharra, behar bezala aurre egiten ez bazaio, bere tesien indartzea dietiston irizpidearen ahultzearen pareko izango dela. Horregatik, Juan bozeramaile izanda ere, aretoa nutrizionistaz beteta egonda 25 minututako eztabaida zientifikorako prest egon beharko gara. Ezta?